Esquerda independentista reclamará independência, socialismo e feminismo nas jornadas de luita de 24 e 25 de julho
Um ano mais as entidades do MLNG terám um protagonismo destacado nos atos centrais que Compostela acolhe para celebrar o Dia da Pátria.
Jornada de Rebeliom Juvenil
Por sétimo ano consecutivo BRIGA, organizaçom juvenil da esquerda independentista, convoca Jornada de Rebeliom Juvenil. Nesta ocasiom sob a legenda A rua é nossa!! No caminho cara a independência, parte das iniciativas previstas nom se vam poder realizar pola proibiçom do novo governo municipal de Compostela encabeçado por Gerardo Conde Roa, do Partido Popular, de autorizar o tradicional concerto de Belvis.
Tal como denuncia BRIGA no seu comunicado a atitude inquisitorial dos novos inquilinos de Rajói nom impediram um 24 de julho combativo.BRIGA sim mantém a manifestaçom convocada para as 22 horas na Porta Faxeira, apelando à juventude rebelde a volcar-se em fazer deste dia um dia de luita e combate.
Manifestaçom independentista
Após ter respaldado entre 2006 e 2010 as convocatórias da já desaparecida Bases Democráticas Galegas e posteriormente de Causa Galiza a organizaçom política de massas do MLNG convoca manifestaçom própria. Sob a legenda Independência para a nossa Pátria, Socialismo para a nossa classe, Feminismo para o nosso Povo NÓS-UP chama a respaldar a única mobilizaçom nitidamente independentista. Frente a do regionalismo que este ano recupera de forma oportunista e mediante letra pequena a reclamaçom de soberania, e a que com legenda similar convoca Causa Galiza, NÓS-UP optou por reclamar sem complexos a independência nacional. O manifesto político da Unidade Popular afirma que “som tempos de resistência, organizaçom e luita. Nom som horas de concessons e negociaçons”.Ato político
A manifestaçom independentista percorrerá boa parte das artérias centrais de Compostela para finalizar na praça de Maçarelos onde se desenvolverá o ato político. O porta-voz nacional de NÓS-Unidade Popular intervirá no comício onde também se darám a conhecer as adesons internacionais.
Posteriormente terá lugar um jantar de confraternizaçom. Para poder apontar-se e comprar o bono a 15€ ligar com o 669 778 474.
Apoios internacionalistas
Além dos comunicados de adesom do Colectivo Amauta da Argentina, do Movimento Continental Bolivariano (MCB), de Izquierda Castellana de Castela e do MDT dos Países Catalans, estarám presentes delegaçons de Corriente Roja do Estado espanhol, Endavant (OSAN) dos Países Cataláns, esquerda abertzale de Euskal Herria, Iniciativa Comunista de Madrid, MPD do Equador, Política Operária de Portugal e Puyalon de Cuchas de Aragom.
Intensa campanha
Tanto BRIGA como NÓS-UP leva semanas realizando intensa campanha de rua. Dúzias de murais, pintagens gigantes com rolo, com molde, faixas, cartazes, e outros diversos suportes propagandísticos, concentrados basicamente em zonas industriais e vias de comunicaçom, visibilizam e difundem o projeto revolucionário da esquerda independentista e socialista galega entre o nosso povo.
NÓS-UP apresentou em diversos concelhos do País umha moçom municipal a prol da independência.
Primeira Linha apela a respaldar as iniciativas
O Comité Central de Primeira Linha apela à classe obreira galega, à juventude rebelde e às mulheres a aderir ativamente às duas iniciativas socio-políticas para assim demonstrar que setores destacados do nosso povo nom se deixam assimilar polo imperialsimo espanhol e tenhem firme determinaçom de combater com umha estratégia insurrecional o Capital, Espanha e o Patriarcado.
