gora maiatzaren lehena!

ni durangora noa. 
txiki eta 
otaegi plazan 
egongo naiz 12:30etan

castet eguna 2013

Atzo, apirilak 21, XXI. Castet Eguna egin zen Zaldibarren. Urtero legez, 1937ko apirilaren 25ean Santamañezarren faszisten kontra borrokan jausitako gudari eta milizianoak omendu zituzten. Hirurogei lagun inguru batu ziren Santamañezarreko tontorrean, non ikurriña jaso zuten. Guztiak batera jaitsi ziren Goierritik eta, jarraian, kalejira jendetsua egin zuten Castet Elkarteraino. Ekitaldi politikoan 1937ko borrokalariak ez ezik, duela berrogei urte jausitako Eustakio Mendizabal Txikia ere izan zuten gogoan. Amaitzeko, iragana etorkizunarekin lotu zuten Donostian Aske Guneak erakutsitako bidetik. Eusko Gudariak abestuta amaitu zen ekitaldia. Bazkarian bildu ziren gero hogeita hamar lagunetik gora.
Arratsaldean, Ernaik deituta manifestazioa egin zuten udaletxeko plazatik Artiara, eserialdi batekin amaitu zena.

Domekan Castet Eguna

Aurten ere 1937ko apirilaren 25ean Santamañezarren jausitako gudari eta milizianoak gogoratuko dira Zaldibarren datorren domekan. Baita Euskal Herria eta askatasunaren alde borrokan jausitako guztiak. Aurtengoa XXI Castet Eguna da.

MARTXOAREN 21eko OSOKO BILKURA

PSOE de ZALDIBAR INCUMPLE SU PALABRA CASI DESDE EL MINUTO CERO

Nada más comenzar la sesión plenaria el concejal Javier Tera ha hecho saber al pleno que a partir de hoy y durante toda la legislatura los dos representantes de su partido en el ayuntamiento de Zaldibar se ausentarán del pleno cada vez que se vaya a tratar algún tema político, pues para hablar de política ya están nuestros representantes en el gobierno vasco y otras instituciones. Y así lo han hecho ante las mociones contra la doctrina 197/2006 (más conocida como doctrina Parot) y otra moción que condenaba los crímenes del franquismo. Curiosamente ante la aprobación de la declaración institucional a favor del pueblo del Sahara y sus derechos políticos, no se han movido de su sitio, han mostrado su acuerdo y han votado a favor de la declaración. ¿Es que hablar del derecho de autodeterminación del pueblo Saharaui no es algo político? ¿Mostrar apoyo a los refugiados políticos del Frente Polisario no es nada político? … Deberían de explicar mejor lo de que se van a ausentar del pleno en los temas políticos.

Osoko bilkura hasi bezain laster, PSOEko zinegotziek argi utzi gura izan dute beraiek ez daudela prest gai politikoei buruz hitz egiteko beraz, aurrerantzean  legegintzaldi osoan zehar, osoko bilkuretan gai politikoak tratatu behar direnean, beraiek aulkitik altxa eta aretotik aterako direla, bozkatu ere ez dutela egingo. Horrela hasi da gaurko plenoa. Hainbat gairen ostean bizi arteko zigorra ezartzen duen 197/2006 doktrinaren (ezagunago Parot doktrina bezala) aurkako mozioa tratatzeko unea iritsi da, orduan PSOEko ordezkariak euren lekuetatik altxatu eta aretotik atera dira batzarraren hasieran agindutakoa betez. Mozio honek aurrera egin du BILDUko ordezkarien babesarekin PPko ordezkariaren oposizioarekin eta PNVren isiltasunarekin.

Jarraian frankismoak egindako kalte guztiak kondenatzen duen mozioa tratatu da. PSOEko ordezkariek kanpoan jarraitu dute. Mozio honek ere aurrera egin du BILDU eta PNVren babesarekin eta PPren oposizio xelebrearekin. Xelebrea diogu ez PPk  mozioari kontra egiteko irakurri dituen argudioengatik (hori beste baterako utziko dugu) baizik eta alderdi honetako ordezkariak erakutsi duen memoria historiko laburragatik; ez du esan bada frankismoa 1936an gertatutako zerbait izan zela? Urte asko pasatu direla ordutik eta berriro ez gertatzea dela inportanteena? Norbaitek gogorarazi beharko lioke gizon honi, guda hori frankistek irabazi zutela  eta boterean beste 40 urte gutxienez mantendu zirela  (ofizialki).

Mozio honen bozketaren ostean PSOEkoak sartu dira osoko bilkuran parte hartzen jarraitzeko asmoz. Mozio gehiago. Etxe desjabetzeen aurkakoa, testuingurutik ateratako eztabaida eta arraro baten ostean, denak ados. Sahararen herria eta bere eskubide politikoen defentsa (autodeterminazio eskubidea barne) egiten zuen deklarazio instituzionala aztertu da, Javier Tera eta Narcisa Rojo euren lekuetan geldik, baina… ez dute esan bada, hasieran gai politikoetan ez zirela sartuko eztabaidatzera eta bakarrik udalgintzari buruz hitz egingo dutela legegintzaldi guztian? Hara, gaur bertan emandako berba apurtu dute esan eta ordu erdira. Ez dira aretotik atera, deklarazioarekin adostasuna adierazi eta alde bozkatu dute. Deklarazioaren edukia guztiz politikoa izan da, behar bada, gehiago zehaztu beharko lituzkete PSOEko bi ordezkariek hasieran botatako hitzak, Euskal Herriak bizi duen gatazka politikoari buruz ez dutela hitz egingo alegia, oso urrun geratzen baitzaie gai hau Saharako herriak bizi duena baino askoz urrunago. Bitxiak ere PNVko ordezkarien komentarioak deklarazio instituzional honen inguruan; “…gai politikoa, tira, hori luzerako da, inportanteena janaria bidaltzea da…” Nerea Garitagoitiaren hitzak. Saharako herritarrek horrelakorik entzun ezkero …  Hementxe benetako presa daukanak, gatazka politikoei irtenbidea behingoz ematearen alde lan egiten hastea da!

agur eta ohore, burkide

Hasta siempre, comandante

hemen dugu ernai, gazte abertzale eta ezkertiarren antolakundea

Atzo, zukgua deitutako eztabaida prozeusa burututa, ezker abertzaleko gazte antolakundea aurkeztu zen Lizarran, Ernai izena hartu duena. Bertan izan ziren Zaldibarko gazte ezkertiar eta abertzaleen ordezkariak. Ongi etorri eta segi aurrera.

Gaur berrantolatuko da Udalbiltza

Gaur Udalbiltza (Euskal Herriko udal eta udal hautetsien biltzarra) berrantolatzeko batzarra egingo da Donostian, 1.227 hautetsi, 153 alkate eta 393 udaletako ordezkariekin. Bertan izango da Zaldibarko udala. Oso batzar garrantzitsua izango da, Euskal Herriko instituzio nazional bakarra delako Udalbiltza, eta aro berriari ekingo diolako.

Duela bi urteko udal hauteskundeen ondoren, 2012ko martxoan abiatu zen 

Udalbiltza berrantolatzeko prozesua: 27 hautetsik jakinarazi zuten zazpi herrialdeetako udal eta zinegotzi guztiei gutunak bidali zizkietela, prozesuarekin bat egin zezaten. Iazko uztailean talde sustatzailea sortu genuen, eta hautetsien ekarpenak jasotzen hasi ginen. Joan den azaroan iragarri genuen aurtengo martxoaren 2an izango dela Udalbiltza berrantolatzeko batzarra. Iritsi da ordua.

http://udalbiltza2012.net/

arnaldo otegiren mezua sorturen batzar eratzaileari

Egunon guztioi!

Lehenik eta behin, geure eskerrik beroena helarazi nahi dizuegu SORTUren Batzar Eratzaileari sarrera egiteko eskaintza egin diguzuelako. Atsegin osoz egiten dugula jakin ezazue. Egiten dugula diot, bai, pluralean ari natzaizue, izan ere gure agurra baita; Arkaitzena, Soniarena, Rafarena eta Mirenena.

Euskal Herrian bizi dugun egoera berriaren adierazleetariko bat da gaur Iruñean SORTU burutzen ari den Biltzarra. Ezker Abertzale osoaren konpromiso eta borrokaren ondorioa, hori ez dezagun inolaz ere ahaztu. SORTU ez digu inork oparitu, gure ekinaren ondorioa da.

Eta zer gogoeta egiten dugu bizi dugun egoeraz? Agian gehiegitan gauzak definitzeko adjektibo asko erabiltzen ditugu, eta ziurrenik erabilera horrek askotan egoeraren desitxuratzea dakar. Guk uste adostu beharko genukeela munduan eta Euskal Herrian bizi dugun une eta egoera politikoa erabakigarria dela. Eta erabakigarria da momentu historiko honetan krisi aunitzen konbergentzia ematen ari delako, besteak beste, ekonomikoa, energetikoa eta ekologikoa. Krisi orokor honek bi ondorio nagusi ditu nazio askapenaren eta eraldaketa sozialaren aldeko borrokaren ikuspegitik:

• Estatu espainiarrak bizi duen deskonposizio prozesua, mendeetan zehar eman ez dena da.
• Kapitalismoak eragindako krisi ekonomikoa Ongi Izatearen Estatua erabat apurtzera datorrena.

¿Qué hacer en este contexto tan decisivo? ¡Aprovechar todas las oportunidades! La creciente descomposición, fragilidad y falta de recorrido del modelo territorial, económico y político surgido de la transición, con las terribles consecuencias derivadas de la misma, generan las condiciones objetivas suficientes como para que cada vez mayores y amplias capas populares de nuestro país y del conjunto del planeta sean cada vez mas receptivas a la necesidad imperiosa de construir una alternativa integral frente al actual estado de cosas. Construir esa alternativa, ofrecérsela a nuestro Pueblo y articular en torno a ella grandes mayorías es nuestro objetivo primero, la primera de todas nuestras tareas. Solo desde la construcción de amplias mayorías podremos aspirar a alcanzar nuestros objetivos políticos.

Eta zer alternatiben gainean antolatu behar ditugu gehiengo horiek? Galdera honi zuzen erantzuteko guretzat aski garbi ezberdindu behar ditugu alde batetik, gure posizioak eta bestetik gure disposizioak.

Gure posizioak argiak, garbiak eta irmoak dira: gaur hemen, Euskal Herriko hiriburuan, berresten dugu guretzat arazo nazionalaren irtenbide integral eta errealista bakarra Euskal Estatu Independentea dela. Eta gaur hemen, argi eta garbi esaten dugu, klase bezala eredu sozial berrirako irtenbide bakarra dagoela: Sozialismoa!. Eta gaur hemen, ozenki esaten dugu baietz, posible dela! Inoiz baino posibleagoak direla independentzia eta sozialismoaren aldeko gehiengo herritarrak eratzea.

Desde la Izquierda Abertzale proponemos y defendemos la necesidad de articular mayorías nacionales y de progreso en la medida en que contribuyan a ir alcanzando los objetivos de una Euskal Herria independiente y socialista. Esa es nuestra disposición.

¿Pero tenemos estrategia para hacer ese camino? Es precisamente para hacer ese camino para lo que en un ejercicio de anticipación política cambiamos de estrategia política. Y llegados a este punto queremos compartir con vosotros y vosotras una duda que desde hace algún tiempo nos ronda la cabeza, y que es ésta: ¿hemos explicado, interiorizado y compartido suficientemente el profundo calado del cambio estratégico que hemos puesto en marcha? ¿Somos conscientes de que aquí y ahora nuestra inmensa tarea histórica es construir la gran mayoría popular que declarará el Estado Vasco y construirá un modelo social alternativo?

Edo uste dugu iraganeko estrategiarekiko dagoen ezberdintasun bakarra borroka armatuaren desagerpena dela? Hori akats larria litzateke.

Estrategia berriak gure mentalitatearen iraultza ere eskatzen du, gure jardun politikoan hitz egin, konbentzitu, antolatu eta borroka egin behar dugu. Dena batera. Fase honetan kontsigna gutxiago eta argudio gehiago behar ditugulako, parte-hartzea ardatza delako, autokonplazentzia gutxiago eta autokritika eta antolakuntza askoz gehiago behar ditugulako. Badakizue zergatik? Ezker Abertzalea ez zelako ez betirako erresistentzia egiteko, ez protesta soila egiteko eratu. Ez, Ezker Abertzalea erresistitzeko bai baina askatasuna irabazteko baldintzak sortzeko antolatu zen, erresistentziatik irabaztera pasatzeko bai, eta irabaztera goaz, irabaziko dugu, euskal jendartearen gehiengoarekin batera gure herriaren askatasuna irabazi behar dugu!

Eta hori lortzeko zorrotzak izan behar dugu, guregandik hasita jakina.

Para concluir, consideramos que es necesario poner en valor la constitución oficial de SORTU como un nuevo instrumento de lucha en manos del Pueblo Abertzale de Izquierdas. Lo hacemos tras una década de ilegalización, de persecución política, de condenas y encarcelamientos que aún hoy estamos padeciendo. Lo hacemos pendientes de juicios por haber desarrollado simple y llanamente actividad política. Lo hacemos en un contexto en el que no se dan las condiciones democráticas básicas para el ejercicio de dicha actividad política en igualdad de condiciones para todos los proyectos.

SORTU nace en un estadio en el que aún sigue vigente la violencia de los estados, esa violencia que constituye el origen del conflicto político aún irresuelto, porque los estados español y francés siguen negando la condición de nación a Euskal Herria y siguen negando su Derecho a la Libre Determinación.

Pero tenemos a SORTU, que surge como fruto de una nueva relación de fuerzas y la utilización revolucionaria de la legalidad burguesa que nos ha permitido dar este paso. O dicho como conclusión que debe de darnos alguna pista para el futuro: hoy SORTU es legal porque hemos generado las condiciones suficientes como para que el Estado considere que su posición ilegalizadora le generaría aquí y ahora mas costes que beneficios. Esa es la clave!

Bukatzeko, berriro ere gure konfiantza non dagoen errepikatuko dizuegu: Guk gure indarrean, gure borrokatzeko grinan, gure herrian, gure kidegoan, herri langilean eduki behar dugu konfiantza. Hori dena garelako.

Estatuetatik ez dugu errepresioa, boikota eta inposizioa besterik espero behar. Beraz, borrokaren bidez baldintzak aldatuz eramango ditugu bere jarrera aldatzera. Bitartean eguneroko borrokan egingo diegu aurre.

Bide horretan besarkatzen zaituztegu!

Irri egitea, hortzak erakusteko beste modua delako,
Gora Euskal Herri independentea, sozialista, euskalduna eta feminista! Gora Euskal Herri gorria!

sortu da sortu

Ezker Abertzaleak "Zutik Euskal Herria" ebazpenean jasotako estrategia berrituaren ondorio organizatiboa izanik, aurrerantzean estrategia horren garapenerako tresna izango da, ibilian indartu eta zabaldu beharreko bitartekoa. Independentziaren eta sozialismoaren bidean eta Prozesu Demokratikoaren baitan, eraldaketa politikoa eta soziala erdiesteko erreminta dugu.

Honaino ekarri gaitu askapen prozesuak. SORTU jaio berria da eta ibilbide berria egitera dator beste antolakuntza batekin, ziklo politiko berriari borroka eredu eraberrituarekin ekitera. Eta hori horrela egin asmo duen SORTUk askapen nazionalaren eta eraldaketa sozialaren aldeko borrokan herritarren batasunak egindako ibilbide historikoa ez du ez ahazten, ez baztertzen. SORTUn bildu garenok herri eta langile borroka zahar eta berri ezberdinetatik gatoz, herri eta jendarte askearen aldeko borroka egitera betiko askatasun helburua ipar izanik.

Euskal Herriko egoeraren garapenari eta euskal herritarren gogoari erantzun behar genien, baita luzaz egindako lanak zein borrokak sortutako aukera politiko berriei ere. Askapen prozesuak aurrerapausoak egin dituelako gaude gu gaur hemen. Halaber, era eta mota guztietako hausnarketak egiteko orduan gure buruarekin zorrotzak izan garelako ere lortu dugu aro berri hau irekitzea. Ez dira bide luze honetan arazoak eta kontraesanak falta izan, ezta aurrerantzean falta izango ere, baina, eztabaidari eta lan militanteari esker, hasitako bidean uste osoa dugu.

Askatasun osoa helmuga

Iritsi da Askatasunaren garaia. Estatu espainolak eta frantsesak ez diote eskaintza demokratikorik egin nahi Euskal Herriari. Betiko ukazioa, betiko indarkeria eta inposizioa, besterik ez. Agortua da orain arteko egitura instituzionala, agortuak sasi- irtenbideak eta eskaintza mugatuak. Herri borondateak izan behar du etorkizuna eraikitzeko ardatza, Autodeterminazio Eskubidea egunero gauzatuz.

Gure konpromisoa sendoa da: herri nahia errespetatuz eta errespetaraziz, Euskal Estatuaren egitasmoa bururaino eramatea. Askatasun osoa, horixe dugu helmuga bakarra, horretarako askapen nazionalari eraldaketa soziala elkarlotu behar zaiola jakinda. Guretzat helburu bera baita, gizon-emakume askeez osaturiko Herri askea lortzea.

Horrenbestez, proiektu sozialista da gurea. Munduko bazter guztietan ingurumena suntsitzen duen eta milioika pertsona miseria gorrira kondenatzen dituen sistema kapitalistari eta, azken urteotan, neoliberalismoaren bidez, izan duen garapen are ankerragoari aurre egiteko alternatiba erradikalak eraiki behar dira, ezinbestean tokian tokiko ezaugarrien eta nortasunaren arabera. Horixe dugu erronka Euskal Herrian ere.

Euskal Herria egunero-egunero eraikitzea dugu funtsezko eginbeharra, ikuspuntu sozialetik, politikotik, ekonomikotik eta kulturaletik. Gizon-emakume ororentzako justizia soziala eta haien arteko parekidetasuna, ama-lurrarekiko errespetua eta lurraldeen arteko kohesioa eta hizkuntza nazionalaren suspertzea dira, besteak beste, lan eremuak.

Proiektu oso horrek eta ibilbidea azkeneraino egiteko konpromisoak bateratzen gaituzte SORTUko kideak, "Zutik Euskal Herria" ebazpenak jasotako irakurketaren eta prozesu eratzailean onartutako oinarrien baitan, betiere eztabaidarako eta ideia ezberdinak mahairatzeko tarte zabalarekin.

Igarobide demokratikoa

Orain da unea, iragana atzean utzi eta geroa erdiesteko. Igarobidea eraiki behar dugu, inoiz egin ez den egiazko trantsizio demokratikoa gauzatzeko. Horregatik, hain zuzen, gatazkaren ondorioei eta iturburuari erantzungo dien ariketa osoarekin erabat konprometituta dago SORTU.

Gatazkaren muin politikoa askatzeko elkarrizketa eta akordioak behar-beharrezkoak dira, lehenik eta behin Euskal Herrian. Horregatik, eragile eta indar politikoen arteko nazio elkarrizketa abiarazi behar dugu eremu eta erakunde ezberdinetan, euskal herritar guztien erabakitzeko eskubidea gauzatzeko bidean jartzeko subjektu erabakitzaileak osatzeko helburuarekin.

Halaber, gatazkaren ondorio guzti-guztiak gainditzea dugu helburu, eta horretarako ez gara atzera begiratzearen beldur. SORTUk ez dio errealitateari begi bakarrarekin begiratzen. Beste batzuek mantendu nahi dute itzalpean gerra zikinean, torturan edota presoek jasaten duten bidegabekerian, zuzenean edo zeharka, duten erantzukizuna. Ezker Abertzaleak dagozkion ardurak bere gain hartzen ditu eta egin beharreko guztia egingo du elkarbizitzaren eta bake justu zein iraunkorraren mesedetan, gure Herriari zor diogulako.

Alderdikeriaz eta besteei kontuak eskatuz eskuartean dugun aukera historiko paregabea dinamika hutsaletan kateatu nahi dutenei aurrera egin behar dugula esan nahi diegu. Eta horretako indarkeriarik gabeko gutxieneko egoera eraiki behar da, salbuespen neurriak eta modu guztietako jazarpena bertan behera utzita. SORTUk bereziki azpimarratu nahi du euskal preso politiko guztiak etxeratzeko bidean, dagozkien eskubide guztiak errespetatzea premiazko urratsa dela.

Antolakuntza eta borroka

SORTU egiteko eta eragiteko jaio da. SORTU sortzeko ere jaio da. Baldintza politiko eta sozial hoberenak ere galdu egiten dira herri antolakuntzarik eta borrokarik ez badago. Iraultza egin nahi dugu. SORTUren Iraultza Demokratikoa eta Nazionala da, Euskal Herri osoan eredu politiko eta soziala errotik aldatu nahi dugulako. Iraultza Demokratiko Nazionalak aurrera egingo badu, eremu guztietan landu beharreko herri mobilizazioari, konfrontazio demokratikoari, desobedientzia zibilari eta borroka ideologikoari esker izanen da. Arlo eta lan zein borroka eremu ezberdinetan dabiltzan militante eta sektore konprometituei esker egingo du aurrera Euskal Herriak.

Iraultza Demokratiko Nazionalak, ordea, etxetik bertatik hasi behar du. SORTUn bertan ere antolatzea eta parte-hartzea indartuko dugu. Eztabaidatzeko, erabakitzeko eta jardun militantea garatzeko, Ezker Abertzaleko kide ororen etxea da SORTU, eta guztien beharra izango du askapen prozesuaren estrategia orokorrarekiko dagokion dinamizazio politikorako erantzukizuna behar bezala betetzeko.
Dagokion lan politikoa ez du, ordea, bere buruari begira egingo. Azkenaldian eraberritutako gazte mugimenduarekin, langile mugimenduarekin eta, oro har, herri mugimenduarekin komunikazioa eta elkarlana lehenetsiko ditu.

Aldi berean, mota ezberdinetako sektore eta eragileekin Independentziaren aldeko Herritarren Bloke Nazionala josteko ahaleginean, azken urteotan ezkerreko indar politiko abertzaleek hitzartutako aliantzak eta akordio estrategikoak trinkotzeak eta zabaltzeak lehentasun osoa du SORTUrentzat, baztertu gabe erabakitzeko eskubidearen gainean saia daitezkeen beste akordio taktiko batzuk.

Edonola ere, komunikazioan, konfiantzan eta elkarren arteko begirunean oinarrituko du SORTUk bere jardunean ezinbesteko osagaia izango den aliantza politika. Indar metaketan eta beste eragile batzuekin egin beharreko elkarlanean dago estrategia osoaren arrakastarako gakoa, aldaketa politikoa eta soziala gauzatu ahal izateko eta gure proiektu politiko bera ere egingarri bilakatzeko beharko den indar harremana egokia sortu behar baitugu.

Esan bezala, askapen prozesua modu erabakigarrian aitzinatzeko lanabesa da SORTU, baina ez da tresna soil bat. Ordezkatzen duen proiektu askatzailearen isla ere izan behar du. Barne bizitzan, demokrazia; eta kanpora begira, gardentasuna. Inguratzen gaituen mundua begirada kritikoz aztertzearekin batera, autokritika ere ezinbesteko ezaugarri bilakatu behar dugu. Zintzotasun iraultzailez hitz egingo diegu beti gainerako herritarrei, langileek eta herri sektoreek bat egin dezaten SORTUk Euskal Herriarekiko eta askatasunarekiko duen konpromisoarekin.

Iruñean, 2013ko otsailaren 23an

labek martxoaren 9ko manifestazioetara deitu du enpleguaren defentsan

Ez kaleratzerik, ez erreformarik, ez inposiziorik.

Enplegua defenda dezagun

Espedienteak, enpresa itxierak, deslokalizazioak, soldata baxuagoak lan ordu gehiagoren truke…

langileok pairatzen ari garen erasoa etengabekoa da eta gero eta bortitzagoa. Eta hau sektore

guztietan gertatzen ari da: eraikuntzan, industrian, merkataritzan, ostalaritzan, sektore publikoan…

Azken honetan, gainera, pribatizazioek, enplegua kaskartzeaz gain, oinarrizko zerbitzuak kolokan

jartzen ari dira. Egoera jasanezina da.

Horregatik enpresa komite ezberdinetako langileok bat egin dugu, bakoitzak bere errealitatetik, gure

enpresetan burutzen ari garen borrokak ez direlako, ez direlako izan behar, borroka indibidualak.

Gero eta enpresa gehiagotan ari gara langileak egoera antzekoak pairatzen eta beharrezkoa ikusten

dugu denok batera, bakoitza bere gatazka partikularretik, gatazka hauek guztiak kalera batera

ateratzea.

Enpleguaren eta lan baldintzen kontrako erasoak lehen mailako arazo soziala dira. Gizarte osoaren

kontra egiten ari dira, gizarte osoa ari direlako pobretzen eta miseriara kondenatzen. Eta

langabezian geratuz gero: enplegurik lortzeko esperantzarik ez eta, gainera, langabezi prestazio gero

eta murritzagoak agortu eta gero, ezer ere ez. Egoera benetan latzak bizitzen ari dira gure herrian.

Gobernuei enpleguaz hitz egiten entzuten diegu etengabean, baina praktikan ez da enplegu politika

eraginkorrik egiten. Hau frogatzen duten datuak hor daude. Gaurko egoera aplikatzen ari diren

politiken emaitza da, politika horiek patronalak egintzen dituen berberak direlako. Bide honetatik

badakigu nora goazen: ez dago enplegu sortzerik, ez dago enplegu duinik, langabezia eta pobrezia

gehiago baino, Grezian gertatu bezala:

• Lan erreforma aplikatzea enplegua suntsitzeko eta enplegua gero eta kaskarrago bihurtzeko modua

da.

• Ez dago konponbiderik espedienteen arauketaren bitartez. Eremu pribatuan aspalditik erabiltzen

dira eta eremu publikoan ere erabili ahalko dira aurrerantzean. Patronalari –pribatu eta publikoarinahi

duen erara inposatzeko aukera eman zaio eta horretan enplegua suntsitzeko eta langileok

mehatxatzeko aukera paregabea oparitu diote.

• Kaleratzeetara jotzen da enplegua banatu beharrean. Enplegu berria sortu eta lana banatu behar da

denok lan egin ahal izan dezagun. Eta horretarako bideak egon badaude.

Eta kaleratzeak mehatxu bezala erabiltzen dira soldata eta lan baldintza kaskarragoak inposatzeko.

Gure asmoa da ahalik eta komite gehien eta ahalik eta gizartearen sektore gehien atxikimendua

biltzea, denok batera kaleratzeei, erreformari, inposaketei ezetz esateko eta enplegua defendatzeko.

Denon borrokak bateratu nahi ditugu bakoitzaren borrokaren mesedetan eta patronalak eta

instituzioek gure aldarrikapenak ozenago entzun ditzaten.

Gaurko borroka biharko enplegua

toledo monarkiaz

Tenemos, afortunadamente, buenos amigos y amigas entre nuestros vecinos del sur.

zaldibaratarrok ikurriñarekin

                                 Argazkiak: Rafa Iraeta

Jendetza handia elkartu da gaur eguerdian udalak deitutako kontzentrazioan "inposaketarik ez, Zaldibarren geurea ikurriña" lelopean. Pankartari eusten 1979tik gaur arteko zinegotzi eta zinegotziohiak, atzean inposaketa salatzera kalera irten diren zaldibartar mordoa zutela. Olaia Araukua eta Carmen Sampedro zinegotziek udalaren agiria irakurri dute. Jarraian, Arantza Baigorri alkateak balkoian urteetan egon den ikurriña hartu eta plazan jarritako mastan jaso du bertaratuen txalo artean.

espainiar bandera inposatzearen aurkako mozioa onartu du udalak gehiengo osoz

Gaur iluntzean ezohiko osoko bilkura egin du udalbatzak 21 udal hautetsi eta hautetsi ohik aurkeztutako mozioa eztabaidatzeko. Mozioan zaldibartarroi espainiar bandera inposatzearen aurkako aldarria eta herritarrei ikurriñaren aldeko jarrera alde guztietan erakusteko deia jasotzen dira, tartean etzi 12:00etan udaletxeko plazan egingo den kontzentrazioan parte hartzeko gonbitea.

PNVko zinegotzi Nerea Garitagoitiak kritikatu egin du udalak, piperpotoa jartzeko agindua jaso zuenean, helegitea aurkeztu izana. Bere iritziz Bildu da, bide legalak erabili dituelako inposaketaren aurka, epaitegi gastuen errudun, ez espainiar estatua. Gogoratu du 2003 eta 2011 bitartean, agintean zeudela, alderdien legea aplikatu zutenean ez zutela ezelako babesik jaso eta, horrenbestez, euren "botoa abstentzioa izango dela" (sic).

PSOEko Javier Terak esan du legalitatea bete behar dela eta mozioaren kontra bozkatuko dutela.

PPko Benito Pacok adierazi du ondo deritzola ikurriña bakarrik egotea, baina hobeto egongo dela espainiar banderarekin, denok ordezkatzen gaituen ikur nazionala delako. Eta nahiko lukeela "comunidad autónoma europea"ko bandera ere balego.

Amaitzeko, alkateak esan du espainiar banderak ez gaituela ordezkatzen, ez garelako espainiarrak eta, jartzera derrigortu arren ere, ez garela espainiar izango.

Bilduko 6 hautetsiek baiezkoa eman diote mozioari, PSOEko biek kontra bozkatu dute eta PNVko biak eta PPko bakarra abstenitu egin dira.

gazte ezkertiar independentisten deia zapatuko kontzentraziorako

urte berri on zaldibar

Urtero legez  Santamañezarreko tontorrean eman dio ongi etorria urte berriari jende mordo batek hamarretako oparoa tarteko.

Argazkia: Rafa Iraeta

Beteranoenak, Victoriano Sanz Naparrak, joan berri zaigun urteko publiometria jarri du denon ikusgarri

Argazkia: Rafa Iraeta