trikitixa eguna zaldibarren

arrif eta euskal herria bat eginda

ESSABT NHAAR  19  ESHAB EZARMADDEN   EN ZALDIBAR  EGHEN  OJJ AGRAW  AGH  EJWARREN  ENSSEN  EDYOUSSEN  ZE ARRIF . NAMHAWAD  NAMCHAWA , BELJOSSOS    ENFAANA BACH  ANSSEN   THODARTH EMAZIGHEN   NARRIF . GHE EL ADDAD EN DEGHORREN   EN ZALDEBERRI ADNANCHAR   OJJ OMHAWADD  AGH JAWARREN ENNA  ERRIFIEN.

Maiatzaren 19an Zaldibarko ezker abertzalea jatorriz arrifiak diren zaldibartar batzuekin bildu zen elkarrezagutza eta elkarlana bultzatzeko. Bilkurak, batez ere, amazigh herria, eta bereziki arrifiak, hobeto ezagutzeko balio izan zuen. Hurrengo zaldiberrin gure artean bizi diren arrifiekin egindako elkarrizketa bat argitaratuko da.

judit fernandez zaldibartarra kameratoia lehiaketan irabazle

Larunbat honetan, maiatzaren 26an, bukatu da KAMERATOIA, Euskal Herriko Ikus-entzunezkoen Rallya. Gernika-Lumoko Elai Alai aretoan, 100 lagunetik gora bildu ginen parte hartzaileek lanak ikusi eta irabazleen izenak jakiteko.

Lehenengo saria (1.500€), Xirimiri taldeak jaso du, “Ondoezik” lanarengatik. Bigarren saria (1.200€), M-taldearentzat izan da, “Goitik behera” ikus-entzunezkoarekin. Eta hirugarren saria (900€), “Koproskilos eta Unai” taldeak lortu du, “Zuhaitzaren Eguna” film laburrarekin. Oier Plaza (bideogilea), Hibai Castro (dokumentalgilea) eta Rosa Martin Sabaris (EHUko irakaslea) izan dira aurtengo epaileak.

Lehiaketaren zortzigarren edizioa Gernika-Lumon izan da, eta 40 gazte inguruk hartu dute parte. Bost egunetan, 3 eta 8 minutuko ikus-entzunezkoak ekoiztu dituzte gazteek. “Goitik behera” izan da aurtengo gaia, eta herriko ezaugarri batzuekin osatu behar izan dituzte lanak.

Egilea: Xirimiri taldea
Edizioa: Leire Aizpuru
Aktorea eta off ahotsa: Joan Aldamizetxeberria
Gidoia eta kamera: Judit Fernandez

zaldibar plazara

Ehun lagunetik gora irten dira gaur kalera Zaldibarren Herrirak deitutako Goazen Plazara ekimenean. Zaldua plazan elkartu da jendea eguerdian eta, jarraian, udaletxeko plazara joan dira. Handik Zaldua plazarainoko giza kate bat osatu dute, eskuz esku amnistiaren ikurra zeukan giltza pasatuz. Gero guztiak elkartu dira Zaldua plazan. Udaletxe zaharreko balkoitik Herrirako ordezkariek agiria irakurri dute. Trikiti soinuekin eta sagardo eta hamaiketako eder batekin amaitu da ekitaldia.
Euskal Herrian 28.456 lagun irten dira plazetara Herrira Bilgunearen deiari jarraituz.

urgari estudioak irabazi du ideia lehiaketa

Eskolako eraikin berria egiteko lehiaketan epaimahaiak hartu du erabakia. Puntuazio handiena Urgari Estudioak egindako proiektuak eskuratu du, Ederto izenekoa. Aipatzekoa da botoa eman zuten zaldibartarren gehiengoak proiektu horri eman ziola bere sostengua.

 Hauek dira lehenengo hamaikak:

Postua	Zkia	Proiektuaren izena	Identifikazioa
1º	69	EDERTO	ESTUDIO URGARI, S.L.P. TONY HIRIBARREN
2º	16	ETXEAN BEZALA	COLECTIVO PKMN ( pacman)
3º	11	PUZZLESKOLA	JUAN JOSÉ PERALTA GRACIA ANDRÉS AYESA PASCUAL
4º	81	HANDITZEN-HANDITZEN	IDOIA ZABALA ORMAZABAL AMAIA ALKAIN AGIRRE IRATI ARZALLUS MOREA IÑAKI MIGUEL OTAÑO
5º	23	PINPILIPAUXA	IMV  ARQUITECTOS
6º	8	KOSIMA	MÚGICA Y DE GOYARZU ARQUITECTOS SCP AMAIA CELAYA ALVAREZ ANDER AGINAKO ARRI
7º	65	YO TENGO UNA CASITA	RUBÉN A. ALCOLEA RODRÍGUEZ JORGE TÁRRAGO MINGO
8º	110	PIKARO	FLORENCIO SOTOS ARELLANO ISABEL RAMOS AUSIN
9º	66	HAUR PAISAIA	VAUMM ARQUITECTURA Y URBANISMO, S.L.P.
10º	106	SHTATË	M3 ARQUITECTES
11º	29	TRUKEME	ANDREA EMMANUEL LAREDO MARÇAL  BONADONA BERDALA ALBERT GASOL BONCOMPTE JORDI MESTRICH REINA

zaldibartarren iritzia eskola-eraikinen gainean

Lehengo astean ikusgai izan zen erakusketa ehunka zaldibartarrek ikusi zuten. Euretatik 156 pertsonak erabaki zuten bere iritzia ematea. Bozka horiek honela banatu ziren epaimahaiak aurrez aukeratutako hamar proiektuen artean:




- Kosima: 12
- Puzzleskola: 32
- Etxean Bezala: 7
- Pinpilinpauxa: 15
- Trukema: 2
- Yo tengo una casita: 2
- Haur paisaia: 19
- Ederto: 47
- Handitzen, handitzen: 15
- Shtate: 3
- Pikaro: 3
 
 
Beraz herriaren puntuazioa:
10 puntu Edertori
6 puntu Puzzleskolari
 

Eskolako eraikin berria aukeratzeko prozesua abian jarri zuen udalak. Ideia lehiaketa bat deitu zuen eta 116 proiektu aurkeztu ziren. Aukeraketa egiteko epaimahai bat dago, zeinean EVEko zuzendari Angel Garrotek, udal arkitekto Hodei Zenikaonandiak, Aiert Buruaga arkitektoak, udal aparejadore Asier Salaberriak, Arantza Baigorri alkateak eta Hirigintzako udal batzordeak parte hartzen duten.

Epaimahaiak, irizpide teknikoak aintzakotzat hartuta, egindako aurre-aukeraketak 10 proiektu hautatu ditu. Dena den, udalak guztiak jarri ditu Unzueta altzaridenda zenaren lokalean zaldibartarrek ikus ditzaten. Erakusketa apirilaren 30ean zabaldu zen eta bihar arte, maitazak 5, egongo da zabalik. Gaur eguerdian udal arkitektoa bertaratutakoei proiektuak azaltzen ibili da.

Maiatzaren 4an eta 5ean, 16 urtetik gorako zaldibartarrek euren iritzia eman dezakete, boto bidez, aurre-aukeratutako hamarren artean gustukoen dutenari botoa emanez. Bozketaren emaitzak %10 balioko du epaimahaiak  egin beharko duen behin-betiko aukeraketan.

Udalak demokrazia partehartzailean egindako beste urrats bat da eta hala aitortu behar zaio. Izan ere bere obligazioa da ze, Bilduk herritarren parte hartzea agindu zuen. Penagarria da, eta auzo lotsa ere ematen du, PNVren jokabidea, prozesu honetatik kanpo jarri baitu bere burua. Euren esanetan ez da beharrezkoa eraikin berria egitea, dirudienez oso ondo daude umeak pabiloi prefabrikatuetan. Barregarria litzateke ahaztuko bagenu PNVk, ohi bezala eraikuntza enpresen morroi moduan jokatuz, eskola eremua hipotekatu zuela. Barregarria litzateke ahaztuko bagenu beti herritarren bistatik ezkutuan hartu dituztela erabakiak 32 urte luzetan, beti espekulatzaileen esanetara. Gorroto dute herritarren parte hartzea, dela auzolana, dela herri batzarra, dela erakusketa eta bozketa hau. Demokrazia dute gorroto. Eta, ondorioz, agintekerian eta kazikismoan agintzen ohituta egon diren horiek, orain, pipa paketea baino infantilagoa den diskurtsoa darabilte udalaren kontra, bere benetako aurpegi faxista erakutsiz. Azken batean, Bilduren udal gobernuak pozik egoteko motibo mordoa dauka PNVren oposizio politikari erreparatuz gero, jeltzale gizajoak herriarengandik gero eta urrunago baitabiltza, euren burbuila eskuindarrean galduta. Segi dezatela horrela.

Erakusketan hainbat herritarren eta elkarteren mezuak irakur daitezke, esaterako Helmuga elkartearena: gracias por contar con el  pueblo e impartir democracia.